२८ पुस, काठमाडौं ।  ललिपुरको धापाखेलमा पार्क गरेर राखिएको कारमा आगलागी भएको छ ।

ललितपुर महानगरपालिका-२३ धापाखेल गैह्रीधारामा पार्क गरेर राखिएको बागमती प्रदेश ०१२-०२८ च २४६३ नम्बरको कारमा आगलागी भएको हो ।

बिहान ३ बजे आगलागी भएको सूचनापछि सातदोबाटो वृत्तबाट प्रहरी नायब निरीक्षकको कमान्डमा प्रहरी १३ जना प्रहरी र ललितपुर महानगरका १५ जना प्रहरी खटिएका थिए । दुइटा दमकल प्रयोग गरी बिहान सवा ४ बजे आगो नियन्त्रणमा लिइएको प्रहरीले जनाएको छ ।

आगालागीबाट कार पूर्ण रूपमा क्षति भएको छ । कार वीरगन्ज घर भई सोही स्थानमा बस्ने कल्पना बुढाथोकीको रहेको प्रहरीले जनाएको छ। कार पार्क गरिएको नजिक रहेको टहरा पनि पूर्ण रूपमा क्षति भएको छ।