२८ पौष, काठमाडौं । दुई दिवसीय रेडबल क्रिकेट प्रतियोगिता जय ट्रफीमा आज लिग चरणका खेल सम्पन्न भएका छन् ।

चार टिम सहभागी खेलमा एक टिमले ३-३ खेल खेलेका थिए । मधेश प्रदेश, बागमती प्रदेश तथा विभागीय टिम नेपाल पुलिस क्लब र त्रिभुवन आर्मी क्लबले जनकपुर वीरगञ्जमा रेडबल प्रतियोगिता खेलेका हुन । आज लिग चरणका अन्तिम खेलमा पुलिस क्लबले बागमती र आर्मी क्लबले मधेश प्रदेशलाई पराजित गरेका छन् । जारी प्रतियोगितामा दुई जित र एक ड्रसहित पुलिस शीर्ष स्थानमा रहँदै फाइनल पुगेको छ भने आर्मी दुई ड्र र एक जितका साथ दोस्रो स्थानमा रहँदै फाइनल पुगेको छ । यी दुई टिमबीच मंगलबार फाइनल खेल हुनेछ ।