२९ पौष, काठमाडौं। बार्सिलोनाले एक गोलले पछाडि रहेको स्थिति उल्टाएर रियल म्याड्रिडलाइ ५–२ ले पराजित गरेको छ।

यो जितसँगै बार्सिलोनाले किर्तिमान १५ औं पल्ट स्पेनी सुपरकपको उपाधि जितेको छ । साउदी अरेबियाको जेद्दामा भएको खेलमा प्राप्त जितसँगै बार्सिलोनाले प्रशिक्षक हान्सी फ्लिक आएयता पहिलो उपाधि जितेको हो । यो सिजनको एल क्लासिकोकोमा बार्सिलोनाको यो दोस्रो जित हो । यसअघि बार्सिलोनाले रियललाई ला लिगाको खेलमा बर्नाबाउमा ४–० ले हराएको थियो । लिगमा खराव लयमा रहे पनि बार्सिलोनाले सुपरकपको उपाधि जितेको हो ।