१ माघ, काठमाडौं ।  राष्ट्रिय खेलकुद परिषद (राखेप)को कार्यक्रम अनुसार नेपाल क्रिकेट संघ (क्यान)को आयोजनामा प्रधानमन्त्री कप टी २० राष्ट्रिय क्रिकेट प्रतियोगिता आजदेखि सुरु हुँदैछ ।

कैलालीको धनगढीस्थित फाप्ला क्रिकेट मैदानमा सञ्चालन हुने प्रतियोगिताअन्तर्गत पहिलो दिन दुई खेलहरू हुँदैछन् । पहिलो खेल बिहान ९ बजे सुदूरपश्चिम प्रदेश र गण्डकी प्रदेशको बीचमा हुनेछ ।

त्यसैगरी दोस्रो खेल दिउँसो १ बजे कर्णाली प्रदेश र एपीएफको बीचमा हुनेछ । माघ १२ गतेसम्म चल्ने प्रतियोगितामा ७ प्रदेश र दुई विभागीय टोली गरी ९ टोलीले प्रतिस्पर्धा गर्नेछन् ।