२ माघ, काठमाडौं ।  झापाको शिवसताक्षी नगरपालिका १ स्थित धरमपुरमा बस दुर्घटना हुँदा ११ जना यात्रु घाइते भएका छन् ।

बुधबार बिहान ६ः३० बजे काँकडभिट्टा पूर्वबाट धरान पश्चिमतर्फ जाँदै गरेको मे १ ख २५४५ नम्बरको यात्रुवाहक बस धरमपुरमा दुर्घटना हुँदा करिव ११ जना यात्रु घाइते भएको प्रहरीले जनाएको छ ।

बस अनियन्त्रित भई बस सडकबाट तल खसेर पल्टिएको थियो । घाइते सबैको अवस्था सामान्य रेहेको छ । घाइते सबैको विर्तामोडस्थित विएण्डसी अस्पताल बिर्तामोडमा उपचार भइरहेको छ  ।

बस चालक मेचीनगर –१० धुलाबारी बस्ने ५४ वर्षीय टिका मेचेलाई इलाका प्रहरी कार्यालय झिलझिलेले नियन्त्रणमा लिएको छ ।