२ माघ, काठमाडौं ।  सुदूरपश्चिम प्रदेश प्रहरी कार्यालयको डिजिटल बोर्ड ह्याक भएको छ ।

सोमबार रातिदेखि कार्यालयको प्रवेशद्वारमा राखिएको बोर्ड ह्याकरको कब्जामा पुगेको हो । ह्याक भएको बोर्डमा अङ्ग्रेजीमा ‘आई लभ यू चित्रा’ लेखिएको छ ।अहिले बोर्ड रिकभर गर्ने काम सँगै ह्याक गर्ने व्यक्ति खोजिरहेको छ ।

ह्याकरले डिजिटल बोर्डको कन्टेन्ट मेनेजमेन्ट सिस्टममा एक्सेस पाएर परिवर्तन गरेको आशङ्का गरिएको छ । त्यहीँबाट विभिन्न माध्यम प्रयोग गरी ह्याक गर्ने व्यक्तिसम्म पुग्न प्रहरी प्रयास गरिरहेको छ । पछिल्लो समय यस्ता डिजिटल बोर्ड ह्याक गर्ने घटना अत्यधिक बढेका छन् ।