३ माघ, काठमाडौं ।  नेपाली कांग्रेसले अधिवक्ता दिनेश त्रिपाठीमाथि काठमाडौं जिल्ला अदालत परिसरमा हातपात भएको घटनामा संलग्नलाई कारबाही गर्न माग गरेको छ ।

मुख्यसचिव कृष्णप्रसाद पौडेलले विज्ञप्ति जारी गर्दै बुधबार स्वर्णलक्ष्मी सहकारी ठगी मुद्दामा थुनछेक बहस सकिएपछि बाहिर निस्कँदै गरेका वरिष्ठ अधिवक्ता त्रिपाठीमाथि अदालत परिसरभित्रै एक्कास आक्रमण र दुर्व्यवहार भएको घटनामा संलग्नलाई कारबाही गर्न माग गरेका हुन्।

त्रिपाठीमाथि लछारपछार, हातपात र दुर्व्यवहार गरेको घटनाप्रति कांग्रेसको गम्भीर ध्यानाकर्षण भएको पनि विज्ञप्तिमा उल्लेख छ ।

बुधबार राष्ट्रिय स्वतन्त्र पार्टीका सभापति रवि लामिछाने प्रतिवादी रहेको काठमाडौंको स्वर्णलक्ष्मी सहकारी संस्थाको बचत अपचलन मुद्दामा त्रिपाठीले सहकारी पीडितका पक्षबाट बहस गरेका थिए।बहस सकिएर थुनछेक आदेश आउनुभन्दा अगाडि नै अदालतबाट बाहिरिँदै गर्दा उनीमाथि हातपात भएको थियो।