०३ माघ, काठमाडौं । भोजपुरी अभिनेता सुदीप पाण्डेको हृदयाघातका कारण निधन भएको छ ।

सुदीप आफ्नो आगामी फिल्मको छायांकनका लागि मुम्बई पुगेका थिए । जहाँ उनको अचानक स्वास्थ्यमा समस्या देखिएको थियो । पछिल्लो समय अभिनेता तथा निर्माता सुदीप पाण्डे भोजपुरी फिल्ममा सक्रिय थिए । उनले सन २००७ मा आएको फिल्म ‘भोजपुरिया भइया’ बाट अभिनयमा डेब्यू गरेका थिए ।

उनले छोटो समयमै एक्सन हिरोको रूपमा आफ्नो पहिचान बनाएका छन् । उनले भोजपुरिया दरोगा, मसीहा बाबू, हमार संगी बजरंगबली, नथुनिया पे गोली मारे, हमार ललकार, शराबी, कुर्बानी, खूनी दंगल, बगावतु लगायत फिल्ममा अभिनय गरेका छन् ।