०३ माघ, काठमाडौं । विभागीय डर्बीमा त्रिभुवन आर्मी क्लबविरुद्ध जित निकाल्दै नेपाल पुलिस क्लब जय ट्रफी पुरुष एलिट कपको च्याम्पियन बनेको छ ।

वीरगन्जको नारायणी क्रिकेट मैदानमा तेस्रो दिन बिहीबार पुलिसले प्रस्तुत गरेको १ सय ३ रनको लक्ष्य पछ्याएको आर्मी ७४ रनमा समेटियो । त्यसअघि टस हारेर ब्याटिङको निम्तो पाएको पुलिसले १३३-९ को स्थितीमा पहिलो इनिङ समाप्तीको घोषणा गरेको थियो । १ सय ७० रन बनाएपछि आर्मीले ३७ रनको सामान्य अग्रता लिएको थियो ।