०३ माघ, काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले तत्कालीन राज्यद्वारा बेपत्ता पारिएका नेता दण्डपाणि न्यौपानेको परिवालाई घरमै पुगेर भेट गरेका छन् ।

चितवनको माडीकोस्थित सोमेश्वर माध्यमिक विद्यालयको स्वर्ण महोत्सवमा सहभागी हुन पुगेका प्रचण्डले न्यौपानेको परिवारसँग भेट गरेका हुन । न्यौपाने २०५६ जेठ ७ देखि बेपत्ता छन । बेपत्ता भएको समयमा पार्टीको केन्द्रीय सदस्य रहेका न्यौपाने माओवादीले जनयुद्ध सुरु गर्दाको १९ सदस्यीय कमिटीमा पनि थिए ।