५ माघ, काठमाडौं ।  स्याङ्जामा टिपर दुर्घटना हुँदा एक जनाको मृत्यु भएको छ ।

शुक्रबार राति ११ बजे स्याङ्जाको आँधीखोला गाउँपालिका–५ स्थित कृषि–ओहिया भित्री सडकमा ग १ क ५१३९ नम्बरको ट्रक  सडकबाट ५० मिटर तल खसेर दुर्घटना हुँदा टिपरमा सवार एक जनाको मृत्यु भएको हो ।

मृत्यु हुनेमा पर्वतको कुश्मा नगरपालिका–१४ का ३७ वर्षीय चन्द्रबहादुर नेपाली छन् । दुर्घटनामा गम्भीर घाइते भएका उनको उपचारका क्रममा गण्डकी अस्पताल पोखरामा गएराति १ बजे मृत्यु भएको हो ।

दुर्घटनामा चार जना घाइते भएका छन्। घाइतेहरुको गण्डकी अस्पताल पोखरामा उपचार भइरहेको छ।