५ माघ, काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ मोरङ पुगेका छन् ।

शुक्रबार साँझ उनी विभिन्न कार्यक्रममा सहभागी हुन मोरङ पुगेका हुन् । उनले आज मोरङस्थित गिरिजाप्रसाद कोइराला क्रिकेट रङ्गशालाको अनुगमन गर्ने कार्यक्रम छ ।

यस्तै, होटल एसियाटिकमा आयोजित एक कार्यक्रममा सहभागी हुने छन् भने मोरङको ग्रामथान गाउँपालिकामा आयोजना हुने सभालाई सम्बोधन गर्ने कार्यक्रम छ ।

यस्तै उनले बिहानै राजवंशी समुदायको भक्काको स्वाद लिएको समेत सामाजिक सञ्जालमार्फत जानकारी गराएका छन् ।