५ माघ, काठमाडौं । लोकतान्त्रिक समाजवादी पार्टी (लोसपा)का उपाध्यक्षस पुरुषोत्तम झासहितका कार्यकर्ताहरू जनता समाजवादी पार्टी (जसपा) प्रवेश गरेका छन् । 

वीरगञ्जमा शनिबार आयोजित ‘वृहत् पार्टी प्रवेश’ कार्यक्रममा जसपाका केन्द्रीय अध्यक्ष अशोक राईले झासहितका लोसपाका कार्यकर्ताहरूलाई पार्टी प्रवेश गराएका हुन् । 

कार्यक्रममा लोसपाका केन्द्रीय उपाध्यक्ष झा, केन्द्रीय सदस्य रेखा कर्ण, उद्योगपति भागमतलाल झा, थारु कल्याणकारिणी समाजका महासचिव विकास चौधरीले पनि जसपा प्रवेश गरेको जसपाका उप–महासचिवसमेत रहेका खानेपानीमन्त्री प्रदीप यादवको सचिवालयले जानकारी दिएको छ ।