५ माघ, काठमाडौँ । युगान्डालाई हराउँदै नेपाली महिला टोली खो-खो विश्वकपको सेमिफाइनलमा पुगेको छ । शनिबार भएको पहिलो सेमिफाइनलमा युगान्डालाई पराजित गर्दै नेपालले ऐतिहासिक रूपमा फाइनलमा प्रवेश गरेको हो । 

भारतको नयाँ दिल्लीस्थित इन्दिरा गान्धी इन्डोर हलमा भएको सेमिफाइनलमा नेपाली महिला टोलीले युगान्डालाई ८९-१८ अंकले पराजित गरेको छ ।

अब नेपालले उपाधिका लागि दोस्रो सेमिफाइनल भारत र दक्षिण अफ्रिकाबीचको विजेतासँग खेल्नेछ । यसअघि नेपाल समूह विजेता बन्दै सेमिफाइनलमा पुगेको थियो ।