६ माघ, काठमाडौं ।  बलिउड अभिनेता सैफ अलि खानमाथि चक्कु आक्रमण गर्ने व्यक्ति पक्राउ परेका छन् । पक्राउ पर्नेमा विजय दास रहेका छन् ।

दासलाई मुम्बई प्रहरी रातको करिब साढे दुई बजे ठाणेस्थित हीरानन्दी क्षेत्रबाट पक्राउ गरेको हो । प्रहरीका अनुसार आरोपी यसअघि मजदूरहरूसँगै बसेर ठाणेमा काम गर्थे । सैफ अलि खानमाथि १६ जनवरीको राति घरभित्र आक्रमण भएको थियो ।

प्रहरीका अनुसार सैफलाई मुम्बईको बान्द्रास्थित ‘सतगुरु शरण’ भवनको १२औं तलामा रहेको उनको निवासमा चोरीको प्रयासका क्रममा आक्रमणकारीले बारम्बार चक्कु प्रहार गरेको थिए। हाल उनको मुम्बईको लीलावती अस्पतालमा उपचार भइरहेको छ।