६ माघ, काठमाडौं । वरिष्ठ अधिवक्ता दिनेश त्रिपाठीलाई कुटपिट गर्ने अर्का एक जना पक्राउ परेका छन् ।

हुम्लाको अदानचुली गाउँपालिका–४ घर भई हाल काठमाडौं सुर्यदर्शन हाईट बस्ने महानन्द जैसीलाई शनिबार प्रहरीले पक्राउ गरेको हो । थप अनुसन्धानका लागि जैसीलाई प्रहरी वृत्त सिंहदरबारमा राखिएको छ ।

राष्ट्रिय स्वतन्त्र पार्टीका सभापतिसमेत रहेका पूर्व उपप्रधान एवं गृहमन्त्री रवि लामिछाने जोडिएको स्वर्णलक्ष्मी सहकारी ठगी प्रकरणको मुद्दामा बहस गरेर फर्किने क्रममा वरिष्ठ अधिवक्ता त्रिपाठीमाथि हातपात भएको थियो । लामिछानेको विरुद्धमा बहस गरेको भन्दै उनलाई रास्वपाका कार्यकर्ता तथा समर्थकले हातपात गरेका थिए ।