७ माघ, काठमाडौं ।   कोशी प्रदेशसभाको हिउँदे अधिवेशन आजदेखि सुरु हुँदै छ ।

अघिल्लो अधिवेशनमा बजेट पारित गर्नेबाहेक खासै बिजनेस नपाएको सभामा योपटक सरकारले घटीमा संशोधनसहित १० वटा विधेयक लैजाने तयारी गरेको छ । कोशी प्रदेशसभाको छैंटौं तथा हिउँदे अधिवेशन आजदेखि सुरु हुन लागेको हो।

गत असोज ४ गते पाँचौं अधिवेशन अन्त्य भएकोमा चार महिनापछि हिउँदे अधिवेशन आज दिउँसो २ बजेलाई आह्वान गरिएको छ।

अधिवेशनको पहिलो दिन आज प्रदेश प्रमुखको कार्यालयबाट प्राप्त अधिवेशन आह्वान सम्बन्धि पत्र बाचन गर्ने र प्रदेशसभामा प्रतिनिधित्व गर्ने दलका शीर्ष नेताहरुले मन्तव्य राख्ने कार्यसूची रहेको प्रदेशसभा सचिवालयले जनाएको छ।