७ माघ, काठमाडौं ।  वरिष्ठ अधिवक्ता दिनेश त्रिपाठीमाथि आक्रमण आरोपमा प्रहरीले थप एकजनालाई पक्राउ गरेको छ ।

योसँगै उक्त घटनामा पक्राउ पर्नेको संख्या तीन पुगेको छ ।पछिल्लोपटक पक्राउ पर्नेमा झापाको बुद्धशान्ति गाउँपालिका–४ की ५५ कि शीतल राई भनिने सीतादेवी राई छिन् । काठमाडौं महानगरपालिका–३२, शान्तिनगरमा बस्दै आएकी  राईलाई आइतबार पक्राउ गरी प्रहरी वृत्त सिंहदरबारमा राखिएको छ ।

यही माघ २ गते अपराह्न करिब पौने ४ बजे त्रिपाठीमाथि कुटपिट भएको थियो । स्वर्णलक्ष्मी सहकारी ठगी मुद्दामा उनले काठमाडौं जिल्ला अदालतमा पीडितका तर्फबाट बहस गरेका थिए ।

रवि लामिछानेविरुद्ध उनी थुनछेक बहसमा सहभागी भएका थिए । आफ्नो बहस सकाएर बाहिरिने क्रममा अदालतबाहिर उनीमाथि कुटपिट भएको थियो ।