८ माघ, काठमाडौं ।  ताइवानको दक्षिणी क्षेत्रमा शक्तिशाली भूकम्प गएको छ ।  

अमेरिकी भूगर्भ सर्वेक्षणका अनुसार मंगलबार बिहान ६.४ रिक्टर स्केलको भूकम्प गएको हो । भूकम्पका कारण १५ जना घाइते भएका छन् । भूकम्पको केन्द्रबिन्दु ताइवानको युजिङ सहरबाट १२ किलोमिटर उत्तरमा रहेको थियो । 

घाइतेहरूलाई अस्पतालमा भर्ना गरिएको छ। घाइते हुनेमा एक बालक समेत रहेका छन् । भूकम्पबाट भत्किएको ताइनान सहरको नान्क्सी जिल्लामा रहेको घरको भग्नावशेषबाट उद्धार गरिएका ६ जना घाइते भएका छन् । 
भूकम्पका कारण राज्य राजमार्गमा रहेको झुवेई पुलमा पनि क्षति पुगेको छ तर कसैको मृत्युको खबर भने आएको छैन ।