८ माघ, काठमाडौं ।  भैरहवाको गौतमबुद्ध अन्तर्राष्ट्रिय विमानस्थलबाट बैंकक उडानका लागि थाइ एयर एसियाले प्रचार-प्रसार थालेको छ ।

कम्पनीले बुकिङ पिरियड राखेर यतिबेला आफ्नो वेबसाइट तथा समाजिक सञ्जालमा सस्तो भाडादरमा टिकट बिक्रीका लागि राखेको हो । जसअनुसार एकतर्फी भाडादर १२ हजार ९९० रूपैयाँ रहेको छ ।

यो भाडादरमा जनवरी २६ सम्म टिकट बुकिङ गर्न सकिने एयरलाइन्सले जनाएको छ । थाइले गत कात्तिक १८ गतेदेखि गौतमबुद्ध अन्तर्राष्ट्रिय विमानस्थलबाट नियमित उडान सुरू गरेको हो।