०८ माघ, काठमाडौं । त्रिभुवन विश्वविद्यालयबाट जारी भएको स्नातक र स्नातकोत्तर तहको नक्कली प्रमाणपत्रसहित एक ब्यक्ति पक्राउ परेका छन् ।

पक्राउ पर्नेमा काभ्रेपलाञ्चोक धुलिखेल नगरपालिका-५ श्रीखण्डपुर बस्ने ४८ वर्षीय विकास श्रेष्ठ रहेका छन । ब्याचलर डिग्री इन बिजनेस स्टडिज र मास्टर डिग्री इन बिजनेस स्टडिजको नक्कली ट्रान्सक्रिप्ट लिएको सूचनाका आधारमा प्रहरीले त्रिभुवन विश्वविद्यालयको अभिलेखसँग रुजु गरेको थियो । त्रिविको अभिलेखसँग उनले लिएको प्रमाणपत्र नलिमेपछि प्रहरीले काभ्रेको धुलिखेलबाट हिजो उनलाई पक्राउ गरेको हो ।

उनलाई आवश्यक अनुसन्धानका तथा कारबाहीका लागि जिल्ला प्रहरी परिसर काठमाडौं ल्याइएको छ ।