०८ माघ, काठमाडौं । शीतलहरले कठ्याङ्गिएर सप्तरीमा एकजनाको मृत्यु भएको छ ।

तिलाठी कोइलाडी-४ का ५० वर्षीय भुटाइ साहको कठ्याङ्ग्रिएर मृत्यु भएको हो । वडाध्यक्ष मुनिलाल मुखियाका अनुसार आज बिहान घरदेखि पश्चिम रहेको पोखरीको डिल छेउमा दिशा गर्न गएका बेला साह जाडोले कठ्याङ्ग्रिएर लडेको र सोही ठाउँमा उनको मृत्यु भएको थियो । मृत्यु भएका साह आर्थिक रूपमा अति विपन्न रहेको वडाध्यक्ष मुखियाले बताए ।