९ माघ, काठमाडौं । रोल्पामा बसको ठक्करबाट एक जना पैदलयात्रीको मृत्यु भएको छ । मृत्यु हुनेमा  रुन्टीगढी गाउँपालिका- ७ बलबाङकी ७५ बर्षीया मनबुझा विक रहेका छन् ।

मंगलबार साँझ दाङको घोराहीदेखि रोल्पाको डुब्रिङ तर्फ जाँदै गरेको रा १ ख २३५६ नम्बरको बसले रुन्टीगढी–६ भित्री सडक खण्डमा पर्ने कानकुटे डाँडा नजिकै सडकमा हिडिरहेकी विकलाई ठक्कर दिँदा उनको घटनास्थलमै मृत्यु भएको थियो ।

दुर्घटनालगत्तै चालक र सहचाकल फरार भएका थिए। चालक तथा बस धनी रुन्टीगढी – ५ भर्तिवनका ३४ का लेखराज दसौंदी बेलुकी ७ बजेतिर प्रहरीले नियन्त्रणमा लिएको छ।