९ माघ, काठमाडौं ।  रौतहटको सदरमुकाम गौर स्थित सम्पूर्ण सामुदायिक विद्यालयहरू थप ३ दिन बन्द हुने भएको छ ।

गौर नगरपालिकाले नगरपालिका भित्रका सम्पूर्ण सामुदायिक तथा संस्थागत विद्यालयहरूलाई माघ ८ गते मंगलबार देखि माघ ११ गते शुक्रबारसम्म जाडो बिदा गर्न निर्देशन दिएको हो ।

पछिल्लो केही दिन देखि बढेको अत्यधिक चिसोको कारण विद्यालयमा पठनपाठनमा कठिनाइ हुने तथा विद्यार्थीहरूको स्वास्थ्यमा असर पर्ने हुँदा बिदा दिइएको स्रोतले जनाएको छ ।