०९ माघ, काठमाडौं । नेपाली कांग्रेसका सभापति शेरबहादुर देउवाले अमेरिकी सहयोग परियोजना मिलेनियम च्यालेन्ज कर्पोरेशन (एमसीसी) राम्रो भएको जनताले अहिले आएर बुझेको दाबी गरेका छन् ।

कांग्रेसको आर्थिक नीति तथा योजना विभागले आज आयोजना गरेको ‘नेपालमा वैदेशिक सहयोगको अर्थ राजनीति’ विषयक संवाद कार्यक्रममा बोल्दै उनले यस्तो बताएका हुन । एमसीसी देश विकासका लागि राम्रो भएको अहिले सर्वसाधारणले बुझेको भन्दै देउवाले एमसीसी पास गराउन धेरै गाह्रो भएको स्मरण गरे । संसदबाट एमसीसी पास गराउने बेलामा चर्को विरोध भए पनि अहिले आएर राम्रो रहेछ भनेर सबैले थाहा पाएको उनको भनाइ छ।