११ माघ, काठमाडौं । चलचित्र ‘लाज शरणम्’को नयाँ पोस्टर सार्वजनिक भएको छ ।  यसअघि सार्वजनिक तीनवटा पोस्टरमा नदेखिएका कलाकारलाई नयाँ पोस्टरमा छन् ।

पोस्टरमा बायाँबाट क्रमशः मुकुन्द श्रेष्ठ, महेश त्रिपाठी, विजय बराल, अपर्ण थापा र कमलमणि नेपाल लाई देख्न सकिन्छ । 
फ्रन्टमा देखिएका पात्र चलचित्रका हिरो हुन् । उनी सीताराम कट्टेल (धुर्मुस) हुन् ।

उनी दौरासुरुवाल ज्वारीकोटमा देखिएका छन् । अभिवादन गरिरहेका उनको यो गेटअपले उनी चलचित्रमा नेताको भूमिकामा रहेको प्रष्ट हुन्छ । उनी पूर्वमन्त्री तथा कांग्रेस नेता मोहम्मद आफतव आलमको लुक्समा छन् ।

चलचित्र ‘लाज शरणम्’ फागुन १४ गते महाशिवरात्रिको अवसरमा प्रदर्शन हुनेछ । यो हास्य टेलिश्रृंखला ‘सक्किगोनि’को टिमले बनाएको चलचित्र हो ।