१४ माघ, काठमाडौं ।  अछाममा दुई किशोरी मृत फेला परेको घटनामा प्रहरीले दुई जनालाई पक्राउ गरेको छ ।

दुई किशोरीको हत्या भएको आशङ्कामा प्रहरीले दुई युवकलाई पक्राउ गरि अनुसन्धान सुरु गरेको छ ।  पक्राउ परेका दुबै जनाको नाम गोप्य राखिएको छ । रहस्यमय मृत्यु भएको भन्दै पोष्टमार्टमका लागि शव नेपालगञ्ज पठाइएको छ ।

शुक्रबार घरबाट बाख्रा चराउन गएका ढकारी गाउँपालिका– ८ का १५ वर्षीया सरस्वती खड्का र १४ वर्षीया ईशरा खड्का शनिबार मृत भेटिएका थिए । आफन्तले उनीहरूको हत्या भएको दाबी गर्दै आएका छन् । घटना रहस्यमय नै देखेपछि प्रहरीले पनि पोष्टमार्टमकै लागि शव नेपालगञ्ज पठाइएको छ ।

दुवै किशोरीको टाउकोमा गहिरो चोट लागेको छ भने अन्य भागमा पनि चोटहरू लागेका छन् ।शव भेटिएको स्थानमा मरेको गोरु फालिएको थियो । त्यहाँ नै शव फाल्दा गन्ध गोरुको आउने र आशङ्का नहुने मनसाय देखिएको प्रहरीले जनाएको छ ।