१७ माघ, काठमाडौं । टाइम्स अफ इजरायलको एक समाचारले हमासको कब्जामा रहेका नेपाली नागरिक विपिन जोशी जीवित रहेका पुष्टि गरेको छ ।

विपिन जीवित छैनन् कि भन्ने आशंकाका माझ हमासले रिहा गर्न लागेकाहरूको सूचीमा एक नेपाली पनि उल्लेख गरिएकाले उनी जीवित रहेको प्रमाणित भएको छ।गाजामा अझै आठ थाई बन्धकहरू साथै एक नेपाली र एक तान्जानियाली जीवित रहेको टाइम्स अफ इजरायलले उल्लेख गरेको छ।

तर आज छुट्ने बन्धकहरूको नाममा भने विपिनको नाम उल्लेख गरिएको छैन।२०२३  अक्टोबर ७ मा इजरायल गाजासीमा क्षेत्रमा हमास समूहले आक्रमण गर्दा १० जना नेपाली विद्यार्थीको मृत्यु भएको थियो । सो आक्रमणमा परी ४ जना घाइते भएका थिए भने जोशीलाई हमासले गाजा नजिकैको इजरेली सहर किबुत्ज अलुमिमबाट अपहरण गरेको थियो।