१७ माघ, काठमाडौं । अमेरिकाको राजधानी वासिङ्टन डिसीमा एक यात्रुवाहक विमान र हेलिकप्टर ठोक्किएर दुर्घटना भएको छ।

दुर्घटनापछि यात्रुवाहक विमान पोटोम्याक नदीमा खसेको छ । अमेरिकन एयरलाइन्सको ५३४२ विमान विचिटा, क्यान्ससबाट उडेको विमानमा ६० यात्रु र ४ चालक दलका सदस्य रहेका छन् । घटनास्थलमा ठूलो संख्यामा प्रहरी तैनाथ गरिएको छ ।

वाशिंगटन डीसी बाहिर रेगन राष्ट्रिय विमानस्थल नजिकै पोटोम्याक नदीमा एउटा यात्रुवाहक विमान दुर्घटनाग्रस्त भएको हो। विमान धावनमार्ग नजिकै पुग्दा अमेरिकी सेनाको ब्ल्याक हक हेलिकप्टरसँग ठोक्किएको हो । हालसम्म कुनै पनि हताहतको पुष्टि भएको छैन।