१७ माघ, काठमाडौं । लोकगायिका सुनिता दुलालको नामबाट नक्कली टिकटक अकाउन्ट खोलेर पैसा माग्ने काम भएको छ ।

गायिका दुलालले सामाजिक सञ्जाल फेसबुकमार्फत उक्त नक्कली अकाउन्टको बारेमा जानकारी दिँदै आफ्ना शुभचिन्तकलाई सचेत रहन आग्रह गरेकी छन् ।

उनले लेखेकी छिन्, “मेरो नाम प्रयोग गरी नक्कली टिकटक अकाउन्ट खोलि पैसा माग्ने काम भएकोले सबै शुभचिन्तकहरू होसियार रहनुहोला । कृपया सबैले उक्त नक्कली अकाउन्टमा गएर रिपोर्ट गर्न सहयोग गर्नुहोला ।”

sunita03m युजरनेम रहेको उक्त टिकटक अकाउन्टमा गायिका दुलालका विभिन्न तस्बिर तथा भिडिओ राखिएका छन् ।