१८ माघ, काठमाडौं ।  नेपाल कबड्डी लिग (एनकेएल) को उपाधिका लागि आज जनकपुर नाइट्स र काठमाडौं माभरिक्स खेल्दै छन् ।

त्रिपुरेश्वरमा रहेको दशरथ रङ्गशालाको कभर्डहलमा फाइनल खेल बेलुका साढे ६ बजे सुरू हुनेछ ।जनकपुर लिग चरणमा चार जीत र एक बराबरीका साथ शीर्षस्थान रह्यो । उसले क्वालिफायरमा विराटनगर ब्यान्डिट्सलाई पराजित गर्दै फाइनलमा पुगेको हो । त्यस्तै लिग चरणमा काठमाडौं तीन जीत, एक बराबरी र एक हारसँगै तेस्रो भएको थियो ।

नेपालमा पहिलो पटक भएको फ्रेन्चाइज कबड्डीको प्रतियोगिता गएको माघ ४ गतेदेखि सुरू भएको हो । प्रतियोगितामा विभिन्न शहरका ६ वटा टोली सहभागी थिए ।