१८ माघ, काठमाडौं । आगामी फागुन २३ गते रिलिजको तयारीमा रहेको नेपाली चलचित्र ‘होस्टेल ३’ को दोस्रो गीत ‘मनमा अनौठो’ सार्वजनिक भएको छ ।

 शुक्रबार बिहान युट्युबमार्फत् सार्वजनिक गीतमा फिल्मका प्रमुख दुई कलाकार पारस बम (कुलब्वाई) र सिम्रन पन्त फिचर्ड छन् । गीतमा उनीहरुको प्रेम छल्किएको छ ।

शब्द तथा सङ्गीत अर्जुन पोखरेलको रहेको गीतमा रेश्मा पुन र उकेश रावलको स्वर छ । भिडियोको कोरियोग्राफी प्रवीण सिंहले गरेका हुन् । गीतले किशोर किशोरीको प्रेमलाई झल्काउँछ ।

चलचित्रको यसअघि ‘टिक टिक टिक’ बोलको गीत सार्वजनिक भएको थियो । गीतले राम्रो चर्चा पाइरहेको छ । ‘होस्टेल ३’ सफल चलचित्र ‘होस्टेल’ को तेस्रो संस्करण हो । चलचित्रको निर्देशन सशान कँडेलले गरेका हुन् ।