१७ माघ, काठमाडौं । एपीएफ क्लब पोखरामा जारी एनसेल पाँचौं टाइगर कप राष्ट्रिय तथा अन्तर्राष्ट्रिय भलिबल प्रतियोगिताको महिलातर्फ फाइलनमा प्रवेश गरेको छ ।

आयोजक टाइगर गु्रप अफ पोखरालाई ३-१ ले पराजित गर्दै साविक विजेता एपीएफले फाइनलमा स्थान सुरक्षित गरेको हो । पहिलो सेट २५-२० ले आफ्नो पक्षमा पारेको एपीएफले दोस्रो सेट २१-२५ ले टाइगर ग्रुपलाई सुम्पिएको थियो । तेस्रो सेट २५-१९ र चौंथो २६-२४ ले जित निकाल्दै एपीएफले फाइनल यात्रा तय र्गयो । खेलमा टाइगर अफ द म्याच निरुता ठगुन्ना र स्पाइकर अफ द म्याच सरस्वती चौधरी बनिन ।

हाल पुरुषतर्फको पहिलो क्वालिफायर खेल त्रिभुवन आर्मी क्लब र नेपाल पुलिस क्लबबीच भइरहेको छ । आर्मी समूह चरण शीर्ष र पुलिस दोस्रो स्थानमा रहँदै पहिलो क्वालिफायरमा स्थान पक्का गरेका थिए । आजको तेस्रो खेल पुरुषतर्फको एलिमिनेटर हुनेछ । एलिमिनेटरमा गण्डकी प्रदेश र भारतको सुनिल भलिबल क्लब प्रतिस्पर्धा गर्नेछन । एलिमिनेटरको विजेताले पुलिस र आर्मीबीच पराजित हुने टोलीसँग दोस्रो क्वालिफायर खेल्नेछ ।