१८ माघ, काठमाडौं । गोरखामा ट्याक्टरले किचेर एक जनाको मृत्यु भएको छ । 

मृत्यु हुनेमा आरुघाट गाउँपालिका-५ भलछोपेका १८ वर्षीय रामबहादुर राना रहेका छन् । ना ६ त ९६३० नम्बरको ट्याक्टर चढेर आर्खेतबाट माछीखोला जाने क्रममा ट्याक्टरबाट खसेका उनलाई पछाडिको पाङ्ग्राले कुल्चिएको थियो । ट्याक्टर र चालकलाई नियन्त्रणमा लिएर घटनाबारे थप अनुसन्धान भइरहेको छ । मृतकको शव पोष्टमार्टमका लागि आरुघाट आधारभूत अस्पतालमा राखिएको छ ।