१८ माघ, काठमाडौं । त्रिभुवन विश्वविद्यालय क्याम्पसको प्रिन्सिपलमा प्रा.डा अक्कलदेव मिश्रलाई नियुक्त गरिएको छ ।

छनोट समितिले प्रा.डा. मिश्र र सहप्राध्यापक उद्धव सिग्देलको नाम सिफारिस गरेको थियो । दुई जनामा मिश्रको अंक धेरै भएकाले त्रिविको कार्यकारी परिषद्ले मेरिटको आधारमा मिश्रलाई नियुक्त गरेको हो । हालका प्रिन्सिपल ध्यानेन्द्र राईको कार्यकाल १९ गते सकिने भएकाले मिश्रले आइतबारदेखि केन्द्रीय क्याम्पसको नेतृत्व सम्हाल्ने छन् ।