२४ माघ, काठमाडौं । साताको अन्तिम कारोबारका दिन नेपाल स्टक एक्सचेन्ज (नेप्से) दोहोरो अंकले घटेको छ । 

बिहीबार नेप्से परिसूचक ११.६४ अंकले घटेर २६९९.८१ को विन्दुमा कायम भएको हो । बिहीबार १ करोड ८६ लाख ८० हजार ३९२ कित्ता सेयरको खरिदबिक्री हुँदा ९ अर्ब २४ करोड ७३ लाख ७५ हजार रूपैयाँको कारोबार भएको छ । 

अघिल्लो दिन बुधबार मात्रै नेप्से परिसूचक ४.४५ अंकले घटेर २७११.४५ को विन्दुमा बन्द भएको थियो ।

आज अपर लोहोरे खेला हाइड्रोपावर कम्पनीको सेयर मूल्य सर्वाधिक १० प्रतिशतले बढेको छ भने उपकार लघुवित्त वित्तीय संस्था र कर्पोरेट डेभलपमेन्ट बैंकको सेयर मूल्य सर्वाधिक १० प्रतिशतले घटेको छ । 

त्यस्तै, कारोबारका आधारमा साहस ऊर्जा लिमिटेड ३१ करोड ३५ लाख ६४ हजार रूपैयाँको कारोबारसहित शीर्ष स्थानमा रहेको छ ।