२८ फागुन, काठमाडौं । जापानले ६ जना नेपालीलाई निष्कासन गरेको छ। उनीहरूलाई जापानको अध्यागमनले गलत कागजात पेस गरेको आरोपमा निष्कासन गरेको हो ।

निष्कासनमा पर्नेमा चौधरी, कार्की, खड्का, गौतम, घर्ती मगर र भट्टचन थरीका एक–एक जना रहेका छन् । उनीहरूलाई आइतबार नेपाल फर्काइएको हो । स्रोतका अनुसार दुई जनालाई थाइ एयरको विमानबाट र तीन जनालाई श्रीलंकन एयरलायन्सको विमानबाट काठमाडौं फर्काइएको हो ।

झुटो कागजात पेस गरेका आरोपमा उनीहरूलाई जापानको अध्यागमन प्रहरीले पक्राउ गरेको थियो। पक्राउपछि उनीहरूलाई सोधपुछ गरी आवश्यक डकुमेन्ट बन्दोबस्ती गरेर नेपाल फर्काइएको स्रोतले बताएको छ। कस्तो खालको कागजात पेस गरिएको भन्ने विषयमा भने खुलाइएको छैन।