१३ चैत्र, काठमाडौं ।  प्रधानमन्त्री केपी शर्मा ओलीले कुलमान घिसिङका विषयमा प्रधानमन्त्रीले जवाफ दिइरहनु नपर्ने स्पष्ट पारेका छन् ।

नेपाल विद्युत् प्राधिकरणका निवर्तमान कार्यकारी निर्देशक घिसिङलाई बर्खास्त गरेको भन्दै माओवादी केन्द्रसहित विपक्षी दलले सदन अवरोध गर्दै प्रधानमन्त्रीको जवाफ माग गरेको थियो । माओवादी सांसद शक्ति बस्नेतले कुलमानका विषयमा गरिएको निर्णय सरकारले फिर्ता गर्नुपर्ने र प्रधानमन्त्रीले सदनलाई जवाफ दिनुपर्ने माग गरेका थिए ।

सोही विषयमा प्रधानमन्त्री ओलीले टिप्पणी गर्दै आफूले जवाफ दिनइरहनु नपर्ने बताएका हुन्। ‘प्रधानमन्त्रीले जवाफ दिइसक्यो। एउटा हटायो, अर्को नियुक्ति गर्‍यो। सकियो। त्यही हो जवाफ। उनीहरूलाई सहयोग हुने उनीहरूले जो भन्यो त्यही नियुक्ति गर्ने हाम्रो काम होइन,’उनले भने।