१९ चैत्र, काठमाडौं ।  नेपाली नयाँ वर्ष २०८२ को अवसर पारेर एक्सेसरिज तथा वेयरेबल ब्रान्ड अल्टिमा लाइफस्टाइलले ‘बयासीको अफर’ल्याएको छ ।

अप्रिल ४ देखि १३ गतेसम्म चल्ने यो अभियानमा अल्टिमा लाइफस्टाइलका विभिन्न उत्पादनमा ६० प्रतिशतसम्म छुट पाइनेछ । यसै अवसरमा कम्पनीले नयाँ प्रिमियम इयरबड्सको रूपमा ‘अल्टिमा फ्युजन ३६०’ बजारमा सार्वजनिक गरेको छ । यसले अभियान अवधिभर ग्राहकले निःशुल्क उपहार ह्याम्पर, निःशुल्क डेलिभरी र विशेष भाउचरहरू पाउने कम्पनीले जनाएको छ ।

कम्पनीका अनुसार ‘अल्टिमा फ्युजन ३६०’ मा ३० डीबी एक्टिभ नोइज क्यान्सलेसन, कम लेटेन्सी र लामो ब्याट्री लाइफ जस्ता एडभान्स्ड फिचरहरू रहेका छन् । पारदर्शी डिजाइन रहेको अल्टिमा फ्युजन ३६० मा जिङ्क एलोय मेटल फिनिस दिइएको छ । एक पटकको १० मिनेटको चार्जमा १२० मिनेटको प्ले टाइम र ४० घण्टाको कुल प्ले टाइम पाइने कम्पनीले जनाएको छ ।

अल्टिमा फ्युजन ३६० को विशेष लन्च मूल्य रु. २,५९९ तोकिएको छ । यो इयरबड्स अप्रिल ४ देखि अल्टिमाको आधिकारिक वेबसाइट, अल्टिमा पुल्चोक स्टोर, दराज, खल्ती, जीवी, हुकुट, ब्रदरमार्ट, नियो स्टोरसँगै अन्य खुद्रा रिटेल स्टोरमा उपलब्ध हुनेछ । यसैबिच पहिलो ८२ ग्राहकहरूले पुतलीसडक स्टोरमा गएर अल्टिमा फ्युजन ३६० लाई रु. ३६० मा खरिद गर्न सक्ने कम्पनीले जनाएको छ ।