२० चैत्र, काठमाडौं ।  अमेरिकामा संघीय स्वास्थ्यकर्मीलाई जागिरबाट निकाल्न सुरू गरिको छ ।

मंगलबार कर्मचारीलाई कार्यालयको गेटमै रोकिएपछि कामबाट निकालिएको थाहा भएको हो । यस्ता काममा धेरै उच्च अधिकारी संलग्न थिए ।अमेरिकी स्वास्थ्य मन्त्री रोबर्ट एफ केनेडी जुनियरले गत हप्ता १० हजार कर्मचारीलाई हटाउने घोषणा गरेका थिए।

अमेरिकी राष्ट्रपतिको कार्यालयले गत हप्ता खाद्य तथा औषधि प्रशासन (एफडीए) का ३ हजार ५०० कर्मचारी हटाउने योजना रहेको बताएको थियो।एकै साथ, युनाइटेड स्टेट्स सेन्टर फर डिजिज कन्ट्रोल एण्ड प्रिभेन्सनबाट २ हजार ४०० कामदारलाई निकालिने स्रोतले जनाएको छ ।

यसबाहेक राष्ट्रिय स्वास्थ्य प्रतिष्ठानबाट एक हजार २ सय कर्मचारीलाई पनि हटाउनु पर्ने प्रशासनले जनाएको छ ।