२० चैत्र, काठमाडौं ।  चैत १५ गते राजावादीले तीनकुनेमा गरेको अराजक प्रदर्शन नियन्त्रण गर्न नेपाल प्रहरी र सशस्त्र प्रहरीले ७६ राउन्ड गोली चलाएको खुलेको छ ।

त्यही ७६ राउन्डमध्ये एक राउन्ड गोली लागेर कीर्तिपुरका सविन मर्हजनको मृत्यु भएको थियो । प्रहरीले अधिकांश हवाई फायर गरेको दाबी छ । प्रहरीको तर्फबाट ५८ राउन्ड गोली चलेको थियो भने । सशस्त्र प्रहरीले १८ राउन्ड गोली चलाएको पाइएको हो।

केही गोली भने घुँडामुनी लाग्ने गरी प्रहार गरिएको हो । घातक गोलीबाहेक १९२ ब्ल्यांक राउन्ड पनि चलाएको छ । यसरी नै ७४६ अश्रुग्याँस प्रहार भएको छ । दुर्गा प्रसाईंको कमान्डमा भएको प्रदर्शनमा सुुरक्षा निकायतर्फ ७७ र प्रदर्शनकारीतर्फ ५२ जना घाइते भएका थिए ।