२० चैत, काठमाडौं । काठमाडौंको तीनकुनेमा भएको राजावादीको हिंस्रक प्रदर्शनपछि फरार दुर्गा प्रसाईं चाँडै पक्राउ पर्ने प्रहरीले जनाएको छ ।

चैत १५ मा भएको उक्त हिंस्रक घटनालाई लिएर आज आयोजित पत्रकार सम्मेलनमा प्रहरी प्रवक्ता एवम डीआईजी दिनेशकुमार आचार्यले यस्तो बताएका हुन । उनले भने, ‘दुर्गा प्रसाईं अहिले फरार भएका छन । हामी उनीमाथि अनुसन्धानकै क्रममा छ खोजीमा छौँ । शुक्रबारको दिन ठूलो संख्याको भिड भड्किने भएकाले तत्काल उनलाई पक्राउ गरिएको थिएन ।’

उनी अहिले भागेकाले खोजी भइरहेको पनि आचार्यले बताए । ‘प्रहरीले त्यसदिन ठूलो भिड भएकाले पक्राउ गर्न सम्भव भएन’, उनले भने, ‘सिंहदरबार, संसद् भवन र एयरपोर्ट नै कब्जा गर्ने भनेर केही व्यक्तिले भिडलाई भड्काएका थिए । प्रहरीले संयमता अपनाएको थियो ।’

प्रवक्ता आचार्यले प्रसाईं कहाँ लुकेका छन भन्ने अहिले खुलाउन नमिल्ने बताए । ‘हामी खोजिरहेका छौँ । उनी कहाँ छन् भन्ने हामीले भन्न मिल्दैन ।’