२१  चैत्र, काठमाडौं ।  गाजा क्षेत्रमा इजरायलले निरन्तर आक्रमण गरिरहेको छ ।

पछिल्लो आक्रमणमा परी ८० जनाभन्दा धेरैको मृत्यु भएको त्यहाँका सञ्चार माध्यमहरूले जनाएका छन् छ । पछिल्लो २४ घण्टामा भएको इजरायली आक्रमणमा परी ८० भन्दा बढी प्यालेस्टाइनीहरूको मृत्यु भएको स्रातले जनाएको छ । इजरायलले जबालिया शिविरमा रहेको संयुक्त राष्ट्रसंघीय राहत तथा कार्य एजेन्सीको क्लिनिकमा पनि आक्रमण गरेको छ ।

यस आक्रमणमा मात्रै महिलाहरू र बालबालिकासहित कम्तीमा २२ जनाको मृत्यु भएको छ ।यस आक्रमणको विभिन्न अन्तर्राष्ट्रिय निकायहरूले निन्दा गरेका छन् । गाजाको स्वास्थ्य मन्त्रालयका अनुसार इजरायलको युद्धका कारण हालसम्म कम्तीमा ५० हजार ४२३ प्यालेस्टिनीको मृत्यु भइसकेको छ भने एक लाख १४ हजार ६३८ जना घाइते भएका छन् ।