२१  चैत्र, काठमाडौं ।  सर्लाहीमा लागुऔषध गाँजासहित एक वृद्ध पक्राउ परेका छन् ।

पक्राउ पर्नेमा सर्लाहीको बागमती नगरपालिका–१२, बथाने टोलबाट लागुऔषध गाँजासहित ७६ वर्षीय मानबहादुर बल रहेका छन् ।

उनलाई घरमै गाँजा लुकाएर राखी बिक्री वितरण गर्दै आएको भन्ने विशेष सूचनाको आधारमा पक्राउ गरिएको हो।बलको घर खानतलासी गर्दा लुकाइ राखिएको १६ किलो ५०० ग्राम गाँजा बरामद गरेको जनाएको छ।

बरामद गरिएको गाँजा र पक्राउ परेका बललाई थप अनुसन्धानका लागि इलाका प्रहरी कार्यालय हरिवनमा राखिएको छ।