२१  चैत्र, काठमाडौं ।  काठमाडौं महानगरपालिकाका मेयर बालेन्द्र शाहले प्रमुख प्रशासकीय अधिकृत सन्तोष गुरागाईंको गाडीमा ह्वील लक गरिदिएका छन् ।

गुरागाईंलाई कुनै हालतमा हाजिर गराउने अडान वडाध्यक्ष र कर्मचारीहरूले लिएपछि बालेनले नगर प्रहरी लगाएर पार्किङ गरेकै ठाउँमा ह्वील लक गरिदिएका हुन् ।गुरागाईं सवार हुने गाडी कमलादीस्थित पार्किङस्थलमै थियो। त्यहीँ उक्त गाडीमा बालेनले नगर प्रहरी लगाएर ह्विल लक गरिदिएका हुन् ।

अहिले महानगरपालिका वरपर नगर प्रहरी खटाइएको छ । गत पुस ७ गतेदेखि गुरागाईंलाई बिदामा राखिएको थियो । त्यसपछि नियुक्त भएका निमित्त प्रमुख प्रशासकीय अधिकृत गोविन्दप्रसाद शर्माले पनि राजीनामा दिएपछि अहिले महानगर प्रमुख प्रशासकीय अधिकृतविहीन छ ।

यस्तो अवस्थामा आफूहरूले तलबसमेत खान नपाएको भन्दै कर्मचारीहरू आक्रोशित बनेका हुन् । उनीहरूले कुनै पनि हालतमा प्रमुख प्रशासकीय अधिकृत गुरागाईंलाई हाजिर गराउने बताइरहेका छन् ।