२१  चैत्र, काठमाडौं ।  घम्साघम्सीबीच काठमाडौं महानगरपालिकाका प्रमुख प्रशासकीय अधिकृत सरोज गुरागाईं कार्यालयमा प्रवेश गरेका छन् ।

उनलाई वडाअध्यक्षहरू र कर्मचारीले नगरप्रहरीको घेरा तोड्दै कमलादीस्थित कार्यालयमा छिराएका हुन् ।
यद्यपि मेयर बालेन्द्र शाहको सचिवालयले गुरागाईंको कार्यकक्षमा ताला लगाएको छ ।

ताला लगाएका कारण उनी अहिले कार्यपालिका सदस्यको कार्यकक्षमा बसिरहेका छन् ।कार्यालय छिरे पनि कर्मचारीमाथि नगर प्रहरीले धरपकड कोसिस गरिरहेको छ।

काठमाडौं टावर निर्माण अघि बढाउन अनियमित रुपमा अनुमति दिएको आरोपमा बालेनले उनलाई कार्यकक्षमा हाजिर हुन दिएका थिएनन् ।