२१ चैत, काठमाडौं । बागलुङमा पिकअप जीप दुर्घटना हुँदा १ जनाको मृत्यु भएको छ भने ३ जना घाइते भएका छन ।

जिल्लाको गलकोट नगरपालिका-३ हटिया बजारदेखि कोटमैदान जाँदै गरेको ग १ ज ६१०० नम्बरको पिकअप दुर्घटना हुँदा गलकोट-११ रिघाका २२ वर्षीय विष्णु रानाको मृत्यु भएको प्रहरीले जनाएको छ । दुर्घटनामा गलकोट-५ सर्दाखेतका २२ वर्षीय राजन विक, वडा नम्बर ४ डाँडाखेतका १९ वर्षीय रमेश सुनार र वडा नम्बर ३ बोहराफाँटका १९ को अशोक बोहरा घाइते भएका छन् । पिकअपमा चार जना सवार रहेका थिए ।

घाइते तीन जनाको गलकोट नगर अस्पतालमा उपचार भइरहेको छ । चैतेदशैं मेलाका लागि कोटमैदान जाँदै गर्दा पिकअप दुर्घटनामा परेको उनले जानकारी दिए ।