२१ चैत, काठमाडाैं । प्रधानमन्त्री केपी शर्मा ओलीको थाइल्याण्ड भ्रमणको तेस्रो दिन थाइल्याण्डका र नेपालका व्यवसायीहरुसँग छलफल गरेका छन् ।

सो क्रममा नेपालमा लगानीका सम्भावना र अवसरकाबारे सहकार्यका विषयमा छलफल भएको छ । नेपालमा लगानीको सम्भावना र अवसरकाबारेमा प्रधामन्त्रीले नेपाल र थाईल्याडका व्यापरीबीच छलफल गरे । प्रधानमन्त्रीका आर्थिक सल्लाहाकार डाक्टर युवराज खतिवडाले दुई देशका व्यपारीहरुको छलफलमा लगानीका विविध आयामका विषयमा छलफल भएको जानकारी दिए । उनका अनुसार छलफलका क्रममा लगानीमात्रै नभई भावनात्मक रुपमै सहकार्य गर्न नेपाल तयार रहेको सन्देश थाइका उद्योगी व्यापारीसहित लगानीकर्ताहरुलाई दिए । निर्माण उद्योग, होटल व्यवसायी, खाद्य प्रशोधन, पर्यटनसँग सम्बन्धित लगानीकर्ताहरु छलफलमा सहभागी थिए। उनीहरुले नेपालमा लगानी गर्न आतुर रहेको बताएका थिए ।

छलफलमा सहभागि नेपाल उद्योग वाणिज्य महासंघका अध्यक्ष चन्द्रप्रसाद ढकालले नेपालमा लगानी गर्नुपर्ने क्षेत्रहरुका बारेमा छलफल भएको बताए । उनका अनुसार  ती क्षेत्रमा लगानीका लागि प्रधानमन्त्री ओलीले आह्वान गरे । छलफलका क्रममा नेपाल उद्योग वाणिज्य महासंघको तर्फबाट ढकालले आफ्नो भनाइ राख्दै कानूनहरु संशोधन पछि लगानीमा सहज बनाएको र थाइ  व्यवसायीलाई नेपालमा लगानीका लागि सहज रहेको बताए ।

छलफलका क्रममा थाइ व्यवसायीहरुले पर्यटन, होटल, हस्पिटल, निर्माणजन्य कच्चा पदार्थ जस्ता नेपालमा सम्भावित लगानीका क्षेत्रमा लगानी गर्न चासो देखाएका थिए । लगानी गर्नका लागि कानून सहज भए/नभएको, लगानी पछि मुनाफा फिर्ता लैजाने कानूनी प्रवन्ध केकस्तो रहेको बारे चासो राखेका थिए ।  नेपालमा विदेशी मुद्रको सहजता, रिजर्भहरु केकस्तो छ, भन्ने उनीहरुको चासो थियो । थाइ व्यवसायी तथा लगानीकर्ताहरुलाई नेपाली व्यवसायीको प्रतिनिधिमुलक टोलीलले नेपालमा लगानीका लागि धेरै सम्भावना रहेको बताएको थियो । 

जलविद्युत क्षेत्रमा भारतसँग १० हजार मेगावार्टको सम्झौता भएको थियो । सोही अनुसार उत्पादन गर्नुपर्ने अवस्था, पर्यटन क्षेत्रमा प्रवद्र्धन गर्नका लागि पनि नेपालमा प्रर्चुर सम्भावना रहेको छलफलमा राखिएको ढकालले जानकारी दिएका छन्।