२१ चैत, काठमाडौं । काठमाडौं महानगरपालिकाका प्रमुख प्रशासकीय अधिकृत सरोज गुँरागाईले आफ्नो पहिलो प्राथमिकता कामपाका सबै कर्मचारीको तलब व्यवस्थापन गर्नु रहेको दाबी गरेका छन् ।

मेयर बालेन्द्र साह र सरकारबीच टकराबको कारण १ सय ३ दिनपछि पहिलोपटक महानगरपालिकामा हाजिर हुन पुगेका प्रमुख प्रशासकीय अधिकृत गुँरागाईले एकदुई दिनमै रोकिएको तलब ब्यस्थापन गर्नु रहेको बताए । उनले भने-आजबाट हाजिर गरेको छु, भोलीबाट नियमित काम शुरु गरेर तलब व्यवस्थापन गर्नेछु । कामपामा करिब ५ हजार कर्मचारीले तलब पाएका छैनन । ती मध्ये शिक्षक र विद्यालय व्यवस्थापन खर्च, श्रमबैक मार्फत रोजगार भएका करिब ३ सय कर्मचारीले ५ महिनादेखि तलब पाएका छैनन् । भने कर्मचारीले ३ महिनादेखि पाएका छैनन ।

 मेयर साहले अधिकृत गुँरागाईलाई कार्यालयमा प्रवेश गर्न दिएका थिएनन  । काठमाडौं टाबर निर्माणको क्रममा अनियमितता गरेको आरोप लगाउदै मेयर साहले गुँरागाईमाथि कारबाहीको डण्डा चलाएका थिए ।