२१ चैत, काठमाडौं । राष्ट्रिय स्वतन्त्र पार्टी (रास्वपा) की सांसद सोबिता गौतमले जडीबुटी उत्पादन तथा प्रशोधन केन्द्र सार्नका लागि सरकारले योजना बनाउनु पर्ने बताएकी छिन ।

आफ्नै निर्वाचन क्षेत्रमा अवस्थित उक्त केन्द्रको आज अवलोकनपछि उनले उपयुक्त स्थान हेरेर सरकारले केन्द्र सानुपर्ने बताएकी हुन । निर्वाचन क्षेत्रका युवाहरूले गौतमलाई केन्द्रको अवलोकन र छिटो सञ्चालनमा ल्याउनका लागि पहल गर्न आग्रह गरेका थिए । सांसद गौतमले आज वनमन्त्री ऐनबहादुर शाहीलाई समेत लगेर केन्द्रको अवलोकन गराएकी छिन ।अवलोकनको क्रममा सांसद गौतमले आगलागीबाट २८ करोडको क्षति देखिएको भन्दै आगो लगाउनेल कानुनी दायरामा आउनुपर्ने र सरकारले ल्याउनुपर्ने बताइन ।

प्रशोधन केन्द्रकी महाप्रबन्धक संगीता यादवलगायत पदाधिकारीले आगलागीबाट क्षति भएको भग्नावशेषको अवलोकन गराउँदै क्षतिबारे जानकारी गराएका थिए । निरीक्षणपछि वनमन्त्री ठकुरीले छिटोभन्दा छिटो सञ्चालनमा लागि गृहकार्य भइरहेको बताए । प्रशोधन केन्द्रकी महाप्रबन्धक यादवले नयाँ उत्पादनको तयारी गरिरहेका बेला आगो लाग्दा ठूलो क्षति भएको बताइन । उनका अनुसार उद्योगको दुईवटा भवन र १३ वटा गाडी जलेर क्षति भएको छ ।